Teikneseriar på nynorsk!

Her er ei lenke eg berre må dele med dykk; portal til ei heil verd av teikneseriar - på nynorsk!

God fornøying!

Anne Mette :-)

Nye bøker frå Kulturfondet!

Då er det tid for utsending av nye kulturfondbøker!

Denne gongen er utsendingane dobla, så det kjem ekstra mange

bøker ut til skulebiblioteka i morgon.

For mange skulebibliotek er desse utsendingane kjærkomne.

Treng de hjelp med katalogisering eller anna, 

så berre ta kontakt med pedsenteret eller biblioteket!

Kos dykk med dei nye bøkene!

Dette er ei av bøkene som kjem i denne utsendinga:

Anne Mette :-)

Førebu julen.....?

Det er riktig nok ikkje jul heilt enno,

men rundt om på skulane er lærarane no i gong med å planlegge

juleverkstader og aktivitetar til kunst & handverkstimane.

Både biblioteket og pedsenteret har no funne fram julebøkene sine,

og jammen er det litt juledvd`ar og julemusikk i samlinga også.

Du er velkomen til å låne! :-)

Anne Mette :-)

Stairs er komplett!

Då er omsider heile læreverket i engelsk 1-7 komplett!

I tillegg til bøkene har vi også kjøpt inn flashcards og activitycards til alle trinna.

Om du ikkje kjenner verket kan du sjå nærare på det her.

Anne Mette :-)

Kva er denne skulepostordninga for noko.....?

Mange av lærarane i Fjell kommune kjenner nok til denne

skulepostordninga vi har, men rett som det er, så treffer eg nokon som ikkje

veit kva dette er for noko..

Derfor kjem det her ei ørliten presentasjon av dette flotte tilbodet :-)

Kvar torsdag gjennom heile skuleåret kjem det ei lita varebil rundt til 

alle skulane i kommunen. Bestilte varer vert levert i skuleadministrasjonen,

og materiale som skal leverast inn vert henta.

Skuleposten stoppar også i barnehagar etter avtale..

Materiale som skal med skuleposten må vere tinga innan tysdagen 

den veka det skal ut.

Den store friidrettspakken!

Pedsenteret har no fått inn tre store bager med friidrettsutstyr!

Det har ikkje alltid vore enkelt å undervise og trene barn i friidrett; overdimensjonerte hoppmatter,

uovervinnelege hekker og farlege kastredskaper. 

No kan pedsenteret tilby utlån av utstyr som er tilpassa barn, med eit komplett sett for innføring

og leik med løp, hopp og kast. 

I pakken fins mellom anna vertikalhopp, fleksibiblitetstest, målematte for stille lengde/tresteg,

balansestang, skumhekker, medisinball, hoppetau, erteposer, markeringskjegler, stafettpinner,

slegger, kuler, diskoser, spyd, fløyter, stoppeklokker, aktivitetskort, håndbok og rettleiing 

både i perm og på cd.

Her og her kan du lese meir om utstyret.

Lånetida på utstyret er fire veker og kan tingast på vanleg måte

via telefon eller e-post til pedsenteret :-)

Ny blogg!

Av ei eller anna mystisk og merkeleg grunn,

skjedde det noko på den gamle pedsenterbloggen

som eg ikkje greidde å fikse.

Så for at blogginga ikkje skal døy heilt ut,

og slik at alt undervisningspersonalet (og andre interesserte)

i Fjell kommune framleis skal få høyre om nytt og nyttig ved pedsenteret, 

så måtte eg til med ein ny blogg...

Veit du at du kan lage kort med tunge av papir....?

Eller at du kan få epler til å sjå skumle ut....?

Har du nokon gong spikra eit bilete eller laga ein raketturo av erter og tannpirkere...?

Steinar kan bli til insekter og du kan teikne med ein tråd!

I denne boka får du tips og ideer til morosamme ting du kan lage ved hjelp

av enkle materialer - og skulle slikt sett høve godt for oss som arbeider i skulen :-)

Kan tingast og bli levert til deg ved skuleposten om du sender meg ein

e-post.. :-)

Ps. Det ligg framleis mykje nyttig info på den gamle bloggen,

som vil liggje open ei lita stund til..

Anne Mette :-)